موقف فى حياة كل واحد مننا

السلام عليكم الاول

ازيكوا جميعا وايه اخباركو

بحييك ياتمام على الموضوع ده

وفعلا فيه مواقف تستاهل نتكلم عنها

وانا هحكى عن موقف حصل معايا شخصيا

من شخص مااعرفوش

كنت جايه ن السفر فى مره

وجالى اتصال بخبر وحش

لقيت دموعى بتنزل غصب عنى

ومش راضيه تسكت

المهم ولد شباب

لاقنى كده قالى مالك والله انا مش بعاكس اعتبرينى اخوكى

فلوسى خلصت ولافى ايه

قلت لاالحمدلله معايا فلوس

طيب تعبانه تروحى المستشفى

قلتله لاانا بخير

الحمدلله

قالى مالك قلتله سمعت خبر وحش

وكده

فضل مستغرب وبيبص عليا ودموعى بتنزل

ما صدقت نزلت من الميكروباص

وطلعت جرى لدرجة انى مشيت على طريق سريع

وكنت هموت ودا فضل واقف لانى صعبت عليه

يمكن دا موقف حلو من شخص مااعرفوش

ولايمكن انسى الموقف ده ابدا

وفعلا الدنيا مش كلها ناس وحشه

مره تانيه بحييك على الموضوع ياتمام

تحياتى

انا بقى حصل معايا موقف عمرى ما هنساه
فى يوم كنت رايحة الجامعة كان عندى امتحانات اخر السنة
ولما نزلت من الميكروباص ومشيت شوية
حسيت انى دايخة وشوية شوية مبقتش حاسة باللى حواليا
وكان فى عربية ورايا صاحبها كان بيتلكس ليا علشان آخد جنب
بس انا كنت حاسة الصوت بعيد ومقدرتش اتحرك وأغمى عليا
محستش بنفسى غير وانا فى مستشفى الجامعة
واكتشفت ان صاحب العربية هو اللى نقلنى المستشفى
وفضل معايا لحد ما بقيت كويسة ووصلنى الجامعة بعربيته
وراح لدكتور المادة اللى همتحن فيها
استأذنه انى ادخل الامتحان لانه كان فات نص ساعة او ساعة الا تلت تقريبا عن ميعادى
وحكاله على اللى حصل معايا
والدكتور ربنا يكرمه قدر الموقف وسمحلى بالدخول وطمنى
انا شايفة ان ده موقف عمرى ما هنساه