كان حبك ليا كدبة؟؟؟

من طرف **ايمى** الأحد 04 أكتوبر 2009, 10:05 pm

وهان عليك تقولها
وهان عليك تنسانى
بكلمة منك نهيت كل اللى بيننا

دارت الدنيا بيا واتزلزل كل كياني
معقول !!! ...كان حبك ليا كدب؟؟!!
كان كل كلامك غش
كانت احلامى معاك سراب وخداع !!
غلطتى انى صدقتك وصدقت قلب فى ثانية باع
دلوقت كل شئ بكلمة منك انتهى وضاع
معقول كان حبك ليا كدب !!!
كان بيقولى يا حبيبتى ...يا حياتي
كانت ترد عليه اشواقى وآهاتى
كان بيقولى هاعيش العمر احبك
واتمنى لو يطول فى القرب منك
لو بصيتى فى السما هاتلاقى النجوم متلضمة بتقول احبك
كان يقولى لو فتحتى شباكك تلاقى مكتوب قصادك
كلمــــــــــــــــة أحبــــــــــــــــــك
كان يقولى منين تروحي هاتلاقى قلبي محاوطك
معقول ....كان حبك ليا كدب !!!
مش قادرة اصدق ...لا يا قلبي صعب
كل ده ليه ..وايه ذنبي ؟
حبيتك اوى ..وحبي ليك اكبر ذنب
لو كان كده يبقى اوعدك اتوب عن ذنبي ويغفرلى ربي
لو كان حبي وهم خلاص فوقت من وهمي
ورود عمرى اللى فتحت على نور عيونك
دلوقت دبلت قبل الاوان
قلبي اللى حلف العمر يصونك
بتخبط على بابه الاحزان

لسه لحظة الفراق محفورة فى خيالى
ياريتنى مت قبل ماسمع منك كلمة وداع تقولهالى
كان صعب اصدق انه يجينى الغدر من اغلى غالي
ودعتنى بكلمة ..وهان عليك تقولها وتنسانى؟!
هاقفل ببان القلب بعدك وزى الاموات هاعيش
ولو يوم عينى فكرت تشتاقلك متلزمنيش
حلفتك يا دمعتى استني ..متنزليش
خسارة نبكي على اللى باعنى رخيص ..مايستاهلنيش
اليوم هجرنى اعز الاحباب ...وراح
فاتنى لوحدتى
ولقمرة كنا بنسهر تحتها نزرع الارض امانى وافراح
كان ضحكنا بيجلجل فى الفضا
دلوقتى سكنتنى الجراح
معقول ..كان حبك ليا كدب ؟!!
دست على قلبي ومرحمتنيش
ودعتنى بكلام مسمعتوش من صدمتى
وكأنك متعرفنـــــيش
ضاع منى الطريق ومشيت لوحدى شاردة
اعذريني يا دمعتى حاولت احبسك
لكن خلاص مش قادرة
واتكسرت كاسات الهنا واتبدلت بمر وعلقم
قلبى اللى علمته احلى معانى الهوى دلوقتى بيندم

معقول ..كان حبك ليا كدب ؟!!
اتمنيت عليك يارب
قلب صافي يحبني
نقسم فرحتنا سوا ..ضحكتنا سوا
حتى فى دموعي يشاركنى ويحسنى
وفى عز فرحى معاه لاقيت غدره قسمنى وهدنى
العيب فيا ولا فيه ...ولا الليالى حالفة تذلنى
كان جزاء اخلاصى منه انى عشت جوه خدعه
دلوقت خلاص هاودعك يا احلى ايامى
يا احلى حب واحلى كدبه
يا حب عمرى

يارب تنال اعجابكم

منقول

من طرف **نور الشمس** الثلاثاء 06 أكتوبر 2009, 1:06 pm

تسلم ايدك يا ايمي
موضوع جميل جدا مشكووووووووور

موضوع كويس خالص
وكلمات تحمل معانى كثيره
هيا عايزه زيادة بعض الكلمات
وتكون قصيده خطيره مثلا
وهان عليك تقولها
وهان عليك تنسانى
بكلمة منك نهيت اللى بيننا
ومحنرجعشى أبدا تانى
دارت النيا بيا
وإتزلزل كل كيانى
سامحينى ياأختى أصل القصيده أثرت فيا فعلا

من طرف **ايمى** الثلاثاء 13 أكتوبر 2009, 1:48 pm

اسعدنى ردك يا فارس
وميرسى على مناقشتك للمواضيع
واتمنى كل مواضيعى تنال اعجابك

من طرف **Tammam21** الثلاثاء 13 أكتوبر 2009, 2:01 pm

تمنيت كثيرا لحظة الوداع

من عذابى

تألمت كثيرا وندمت كثيرا

لا أدرى على ما

كنت أبكى كلما

دق الحب بابى

فأبحث عنك فأجدنى وحيدا

يمزقنى الإحساس بالغربة

فى وطنى ومنزلى

وبين أحبابى

كل ما أحصل عليه هو بعض الصور

بعض الألم داخل قلب يعتصر

وددت كثيرا لو أكسر جدار قلبك

بأصابع حنانى ورقتى

حتى ولو سال الدم

فوق ترابى

حاولت أن أجبر صمتك على المغيب

حاولت أن أبحث عن غيرى فى قلبك حبيب

بلا جدوى

أبحرت كثيرا فى لياليكى بلا شراع

هاجمتنى كثيرا رياح دموعك العاتية

ودفعتنى إلى جزيرة الأوجاع

التى حطمت من سفنى أساطيل

لكننى تعلمت تحدى المستحيل

ورغم عندى والصراع

تاهت سفنى بعيدا عن مشاعرك

وغرق قلبى فى صمت

وكان الوداع

ميرسى على موضوعك اللى عجبنى جدا
وحاولت أرد عليه رد بتمنى يعجبك

تحياتى

من طرف **ايمى** الثلاثاء 13 أكتوبر 2009, 4:29 pm

ميرسى ياشاعرعلى ردك فوق الممتاز
وطبعا مش جديد عليك
يسلملى ذوقك واحساسك العالى

قوليلى ياايمى اقول ايه

بعد الردود الجميلة دى

بجد توبيك جميل

وهنستنى منك المزيد يا
قمر المنتدى

من طرف **ايمى** الجمعة 30 أكتوبر 2009, 2:49 am

متقوليش حاجة يكفينى اشوف ردك ولو فاضى
دخولك لمواضيعى شرف ليا حتى لو مقلتيش حاجة
ميرسى لاهتمامك بمواضيعى
ويارب تنال اعجابك ديما
تحياااااااااااااااااااااااااتى

من طرف **دموع القمر** الجمعة 30 أكتوبر 2009, 2:52 pm

ياحبيبتى الشرف ليا

طبعا تسلمى ويسلم زوقك

ياقمر

كان حبك ليا كدبة؟؟؟

كان حبك ليا كدبة؟؟؟

رد: كان حبك ليا كدبة؟؟؟

رد: كان حبك ليا كدبة؟؟؟

رد: كان حبك ليا كدبة؟؟؟

رد: كان حبك ليا كدبة؟؟؟

رد: كان حبك ليا كدبة؟؟؟

رد: كان حبك ليا كدبة؟؟؟

رد: كان حبك ليا كدبة؟؟؟

رد: كان حبك ليا كدبة؟؟؟