ممكن توافقى تتخطبى وانتى بتحبى حد تانى ؟؟؟

طبعا هأرفض وارفض وارفض
لانى لو وافقت يبقى مش بس هظلمه لأ ده انا هبقى بخونه
ومينفعش ابدأ حياتى بخيانة او ظلم
انا لما افكر فى الخطوبة لازم يبقى قلبى خالى..

ميرسى على الموضوع

احيانا يا ايمى بيبقى غصب عنك لازم تتخطبى
انتى بتقولى كدة لانك مجربتيش الحب
بس صدقينى لما تلاقى اللى انتى حبيتيه غدر بيكى
يبقى لازم تتخطبى علشان تلاقى اللى ينسيكى حبك
ومع العشرة والوقت اكيد هتنسى وهتحبى خطيبك
اكيد فهمانى انا جربت
واسفة انى طولت فى الرد
بس موضوعك جميل يا تمام
مشكووووووووووووووور

لا يا ميرو انا مش معاكى فى اللى بتقوليه
وبغض النظر انى جربت او لأ
مينفعش ارتبط بحد وانا جوايا حد تانى
صعب يا ميرو
يعنى علشان انسى حبى يبقى اظلم حد كل ذنبه
انه اختارنى اكمل حياتى معاه