سألت عم موسى.؟؟؟

دى قصيدة كتبها انسان غالى على قلبى
ويارب تنال اعجاب الجميع

سالت عم موسى
ليه بعت الجاموسة
دى كانت خادمه ارضك
وكمان ساندة ظهرك
قالى يابنى سيبنى ساكت كدة بهمى
ماتفكرنيش دا لبنها لسه فى دمى
بس اعمل ايه
وبايدى ايه
ادى الله وادى حكمته
لا باليد حيله وخير الكلام قلته
لاه ياعم موسى قولى الله يخليك
احكيلى المشكله وانا هااعرض رايى عليك
قالى وفيه غيرها

قلت ايه
قالى المعيشه

قلت مالها
قالى صعبه على الفقير حتى الغنى مش عاجبه حالها
كل حاجه اتغيرت مااحنا رحنا وراح زمانا
كنا نجرى نروح ونيجى وكنا اصغر من عيالنا
دلوقتى العيل بينزل اصفر من اللى شافه فى بطن امه
كل حاجه اتلوثت حتى المرض موجود فى دمه
يعمل ايه الجيل اللى جاى ويسوى ايه
والله الحمل ده مفيش حد يقدر عليه
كلامك ياعم موسى كله حكم بس فى ايدنا ايه
وان شاء الله مهما يكون الحال ربنا هيعينا عليه
بس قولى قبله ليه بعت البهيمه
اصل انا مستغرب ماهى برده حاجه غريبه
قالى انت لسه مش فهمت اللى اتقال
قصدى المعيشه واللى فيها من اكل وشرب ومصاريف عيال
ماكانش قدامى حاجه ابيعها الا هيه
ومعنديش حاجه تانيه غير الهدمه اللى عليه
والحمد لله انها جت على قد البهيمه
احسن ماكنت ابيع حاجه تانيه زى اللى باع حاجات كتيره
باع شعوب
موت قلوب
شرد شباب
خلى بلده جوها مليان هباب
الله يسامحه مكان ماهو قاعد
بيحاربنا ويعادينا بدل مايساعد
روح يابنى الله يعينكم
على اللى باعوكم وشلوا ايدكم

تحياااااااااااااااااااااااتى

احسن ماكنت ابيع حاجه تانيه زى اللى باع حاجات كتيره
باع شعوب
موت قلوب
شرد شباب
خلى بلده جوها مليان هباب
الله يسامحه مكان ماهو قاعد
بيحاربنا ويعادينا بدل مايساعد
روح يابنى الله يعينكم
على اللى باعوكم وشلوا ايدكم
كلامه كله حكم
تسلمى ياايمى

نورتينى يا قمر
بجد بيسعدنى مرورك
تحيااااااااتى لاحساسك العالى

قالى المعيشه
قلت مالها
قالى صعبه على الفقير
حتى الغنى مش عاجبه حالها

عنده حق فى كل كلمة قالها
ياترى دى كلمات احمد ولا حد تانى

ايوة يا ميرو
دى كلمات احمد
ايه رأيك؟؟؟
اسعدنى مرورك
تحيااااااااااتى