العاشرة مساءا يكشف النقاب عن إحدى جرائم المستشفيات

فضيحة بكل المقاييس وجريمة شنيعة وتحذير شديد اللهجة لكل المصريين: احذروا
بعض الأطباء تصور السيدات في المستشفيات أثناء توقيع الكشف الطبي عليهن..

هذه الفضيحة المزلزلة كشفت النقاب عنها الاعلامية الجريئة منى الشاذلي في
العاشرة مساءا والذي كشف الفضيحة هو مصطفى الريدي معد برنامج تاكسي مصر
والذي يقوم بتسجيل نبض الشارع المصري من خلال حواراتهم في التاكسي ..

اتنين دكاترة كانوا راكبين معاه وهما الاتنين دكاترة نساء وولادة والست
اللى بيكشفوا عليها وتعجبهم بيقولوا لزملائهم عليها من برة علشان يتلصصوا
عليها ويصوروها بالموبايل من خلال فتحة في الباب أو بيكون في مكان سري
لاتراه المريضة ويتم تصويرها طبعا وهي مستسلمة وشبه عارية أو عارية خاصة
وأنها بتكشف نسا وهذا يستلزم ان تخلع ملابسها ..وبالرغم من ان السائق قال
للدكاترة ان ده برنامج وسيتم اذاعة هذا التسجيل كان رد الدكتور اية ياعنى
ذيع مش مهم !!!

رصدت كاميرا تاكسى مصر أراء وأحوال ونبض الشارع المصرى ..أحباط ويأس مرير
يعيشه الشباب فى مراحله العمرية المختلفة ..مستقبل غير مبشر بالمرة ظهر
هذا على أغلب من رصدتهم الكاميرا .
الثقة أصبحت معدومة فى كل شئ فى البلد وان مقولة مصر لسة فيها ناس بخير انحذفت من القاموس العامى , والتى كنا نسمعها باستمرار
العامى , والتى كنا نسمعها باستمرار .
تعالى نسمع ونشوف أراء الناس بأمانة شديدة آراء الناس وكلامهم كما رصدتها كاميرا مصطفي دون تدخل ...؟

أول واحد قال : اللى يعيش فى البلد دى من غير ما يمد ايده يبقى بطل ـ وهذ
يدل على أن دخل الفرد مع الاحسان والعطف من الاهل والأحباب لا يكفى مصاريف
الشهر ـ والله فعلا بطل .
وواحدة من الناس بتقول الكل بينصب ويخلع والله جدعان البلد مش عايزة غير
كدة الواحد يجيب منين ـ أكيد بعد ماشافت رجال الاعمال والهبر اللى هبروه
وخلعوا من البلد ـ شغل الجمجمة .
وواحد تانى يضرب مراته بالقلم على وجهها وتسكت بالرغم من أنها منتقبة ـ مش عارف أقول أيه !.

والاغرب من ذلك ان واحد بيتعترف ويقول ياعم احنا اصلا فاشلين ؟ وأيه الغريب فى كدة شايف احنا وصلنا فين !.
واللى يقول البلد كلها مضروبة فى كل حاجة وادى واحد بيقول أنا زهقت من كل
حاجة والتانى بيقول مصر عمالة تهبش من هنا ومن هنا . ودى واحدة جميلة
بتقول : التفاهات اللى أحنا فيها بقى قال ياعنى كل حاجة عندنا متستفة
وحلوة أوى وناقص علينا الفلانتايم .
والتانى بيقول النسوان مكبوتة تروح فين والشباب تعبان يروح فين مفيش غير
الشارع واخر بيقول ان الحكومة بتحترم كل الجنسيات الا المصرين بيعطوهم
بال...... !.

واحد بقى بيقول لو الزمالك بيلعب مع اسرائيل هاشجع اسرائل ولو واحد ادانى ألف جنية وأشجع أسرائيل هاشجع اسرائيل
اجمل شئ ان زبون جوز محسن السكرى لسوزان تميم وبعدين طلقها وهشام طلعت اتجوزها بعد كدة !
برنامج تاكسى مصر برنامج خاص من انتاج طارق الجناينى بتعرضه قناة "أوتى . فى "

مصطفى الريدى سواق التاكس ومقدم برنامج تاكسى مصر سألتة منى بتسوق اد اية وبتأخذ الناس ازاى أحكي لنا .
قال مصطفى احنا بنسوق 15 يوم كل شهر من اول اكتوبر الماضى وحالة تانية
سواء الحدث حصل قبلي او بعدي احنا بننزل وفيه زيارات مهمة بننزل قبل الحدث
وبعده ونتابع كمان رد فعل الشارع وقت زمنى من الصبح حتى الليل .

هل فيه 3 كاميرات فى التاكسى ؟

سألتة من عن التصوزير لو تحت كبارى وان الاضاءة مش ثابتة قال مصطفى ده
صحيح بس الكاميرات اللى معنا حساسة جدا والجروب الموجود معانا كله شغال
وأيضا يوجد فى التاكسى 12 ميكروفون .
هل أى حد يشاور لك تقف له ؟
كان فى الاول بصراحة لكن مع الوقت بقيت أنشن على ناس حسب الابتسامة أو التنشنة المرسومة على وجهه .
وعن اختيارة للزبون هل بتأخذ صاحب المشوار الطويل قال مش شرط لان اللقطة
ممكن تكون قصيرة وفيها الشغل اللى انا عايزة وفيه ساعات كلام الشخصية اللى
معايا مش عايزة تتكلم خالص مهما أنكش فية كان فية بنت صغيرة فى الكلية ومش
عايزة تتكلم خالص نزلتها بعد 3 متر وفية ست كبيرة كذلك مش راضية تتكلم
ولكن دى وصلتها .
بتنكش الزبون ازاى علشان يتكلم ؟
قال فى واحد أقول له عمار يامصر بس أحنا نقول عمار يامصر من هنا دى كلمة
السر وألاقى حالة أنهيار مش مستنى سؤال هو بيحكى كل حاجة عن الحالة
لاقتصادية ومراتى عملت كذا.. ومديرى فى الشغل بس أنا هاعمل وأسوى .

سألته منى عن اللى ضرب مراته بالقلم ده سواق ميكروباص وكنت باحاول أتكلم معاه ليه انتم مش ملتزمين .
هو مشكلتة انة حاطط المطوة فى جيبة هو وكل زملاؤة وهو اللى قال كدة وهو دة
القانون اللى ماشى علية ان هو بيقف فى نصف الشارع ومحدش هايقدر يضربة ولو
حد ضربة المطوة فى جيبة وهاينزل يعورة وهو شايف ان الدنيا مش هاتمشى غير
كدة . مراتة همهمت متكلمتش ذى جملة أعتراضية خايفة علية مثلا بصيت لقيت
طرقعة وحتى لما نظرت فى عينيها لقيت نظرة رضا ولم تتكلم بكلمة واحدة .
فى ناس بتتكلم عن السياسة العليا اللى فى البلد بيقول أية ياعنى انا سمعت
حلقة وواحد بيتكلم عن الرئيس حسنى مبارك وبيحلل فى السياسة وانت بتجاريهم
على نفس الخط اية القصص دى ؟
ناس بتحلل جميل جدا المفروض يعملو شو لوحدهم مش فى السياسة بس لا فى
الكورة والمشاكل الاجتماعية وبيحلوا مشاكلهم بدقة وتلاقى كل واحد عندة
وجهات نظر عميقة جدا كمية تناقض كبيرة جدا ومفيش حد عاجبة حالة وكل الناس
عندها حلول وعرفين التشكيل الوزارى المضبوط .

وفية كلام كتير مش كويس وبنشيلة وحالة شديدة من المعارضة .
جرائم أخلاقية كما قال عنها مصطفى معد البرنامج عن اتنين دكاترة كانوا
راكبين معاه واحد فيهم مقدم على هجرة وهما الاتنين دكاترة نساء وولادة
والست اللى بيكشفوا عليها وتعجبهم بيقولوا لزملائهم عليها من برة علشان
يتلصصوا عليها ويصوروها بالموبايل وبالرغم من ان السائق قال للدكاترة ان
دة برنامج وطلب منهم اذاعة هذا التسجيل كان رد الدكتور اية ياعنى ذيع مش
مهم الناس مش عندها مشكلة كل دة كوم والراجل اللى حزن على تعادل الاهلى
نساه حزنه على تفجيرات الحسين كوم تانى خالص !!.
هل هو شعب وصل لحد السذاجة ام عميق لحد الفلسفة ماحدش يعرف !

3 كاميرات حديثة جابهم طارق برفشن علشان احنا فى الشارع معرضين للأضائة
علشان كدة لابد من وجود اضائة معينة وكل الموجودين معنا بيشتغلوا فى
السينما ومحترفين سواء فى الاضاءة او التصوير .