أنا هتكلم

من طرف **Tammam21** السبت 23 يناير 2010, 1:02 am

أنا هتكلم
لأسامة عبد الغني :

مين مع مين ؟؟ ؟!
مين معايا ومين عليا . .. !!
إحنا فين ، هيا فين الدنيا ديا . .
مين مع مين ،

أنا هتكلم كله سكوت هيا الدنيا ساعات وتفوت
أنا هتكلم كله سكوت هيا الدنيا ساعات وتفوت

كله بياخد منها نصيبه
واللى اتخان من قلب حبيبه
وإللى تملي بينكر عيبه
واللى ما بين الحياة والموت

كله بيرمي العيب علي غيره
واللي بياخد لقمة غيره
واللي يا عيني بيخلص خيره
يبعدوا عنه ولو هيموت

الأيام دي بقت بتخوف
ملناش فيها يا قلبي مكان
مبقاش فينا حد بيعرف
مين الخاين م اللى اتخان

كله بيجري ويرمح فيه
وبتتشقلب علي بعضيها
واللي مخلي عاليها واطيها
واللي يموت علشان القوت

واللي بيخسر كل احبابه
هوا اللي بييجي ع شبابه
واللي يبيع في الشدة صحابه
واللي بيصرخ من غير صوت

أنا هتكلم كله سكوت هيا الدنيا ساعات وتفوت
أنا هتكلم كله سكوت هيا الدنيا ساعات وتفوت

المظلوم بقى زى الجانى
كله بيشكي كله انانى
يضحك مرة في وش التانى
واما تجيله الكورة يشوط

دنيا وطلعت زى السيما
الاخلاص بقى موضة قديمة
واتفرجت بنية سليمة
شوفت مهازل جوه بيوت

الأيام دي بقت بتخوف
ملناش فيها يا قلبي مكان
مبقاش فينا حد بيعرف
مين الخاين م اللى اتخان

أنا جربت الحب وادينى
اللى عشقته مطلع عينى
كل مابفرح بيبكينى
وأنا كان نفسى يكون مبسوط

بس ياقلبى خلاص بزيادة
مبقاش نافع لا ده ولا ده
هو مفيش فى الدنيا سعادة
ولا الفرح خلاص بشروط

أنا هتكلم كله سكوت هيا الدنيا ساعات وتفوت
أنا هتكلم كله سكوت هيا الدنيا ساعات وتفوت

إهداء
إلى الأفوكاتو (محمد فوزى)
تحياتى