حكاية روح..

من طرف nona الخميس 18 مارس 2010, 3:27 pm

دى كلمات عجبتنى جدا جدا
نقلتها لكم من مدونة على الهلالى
كلمات واحاسيس روح
اسيبكم مع الكلمات
يارب تعجبكم

حكاية جراح

حكاية وفى البدايه
نظره
وضحكة
وسلام

حكاية وفى البدايه
تنهيدة شوق
غرام

عهدته على الهوى
وعهدته على الحنين
عاهدنى نكون سوى
مهما عدي السنين

ومشينا الطريق وحدينا
مشينا الطريق
على حب وغرام منادينا
للموج الغريق
وركبنا مراكب الشوق
ووصلنا بهوانا لفوق
ونزلنا على الأوجاع

على كلمة غرام كداب
على حيرة وألم وعذاب
على هجر وخصام ووداع

ورسيت مراكبنا
على شط أحزانا
ويا ريتنا ما ركبنا
ولا كنا صدقنا

عهد الهوى خانوا
اللى زمان قالوا

هنفضل سوى
ويا الهوى
مهما يقابلنا

حب السنين فاتوه
وكل اللى فات نسيوه
وقلبى اللى أخلص ليهم
قلبى اللى كان مراعيهم
قسيوا عليه وباعوه

ايه كان تمن قبضوه
قول يازمن ليه خانوه
قلبى اللى كان مداديهم
حبى اللى كان مداويهم
شوقى اللى بان فى عنيهم
قسيوا خلاص وسابوه

ودى حكايتي مع الأيام
دي حكايتي مع الأوهام
إيه تاني هشوف قدام
وأنا قلبي خلاص جرحوه

بجد كلمات رائعة
من شخص اروع
تحيااااااااااااااااااااااااااااااااااااااااااااتى

من طرف **محمد فوزى** الخميس 18 مارس 2010, 11:51 pm

شكرا على هذه الكلمات الجميلة ومستنين جديدك دائما

من طرف **نور الشمس** الأحد 21 مارس 2010, 2:01 pm

كلمات جميله كتيييييييير يا نونا
تسلم الايادي
وننتظر جديدك
تحياتي

من طرف **Tammam21** الإثنين 22 مارس 2010, 2:19 am

هستنى إيه منك يادنيا
وأنا خدت من عذابك نصيبى
مبقاش فيا اماكن تانية
اخبى جواها لهيبى

كان جوايا قلب ومشاعر
وحاجات كنت بفرح بيها
دخلت طاحونة الزمن تعافر
ونزفت دموع بداريها

هى الدنيا كده
مش جديد عليها
لو فى النهار لينا ضحكة
هنغرق فى دموع لياليها

ناس ماليين الشوارع
وملامح غير الملامح
ووهم سرق الأمل الضايع
رسم فى الجفون حزن طارح

قلب جوانا بيدق
بيقاوح عشان نعيش
كان حلمه بيخليه يرق
واصبح بعد المطر مفيش

إنسان كيان مالوش عنوان
غير شوية ورق وفلوس
ومنابر نفاق وألف جبان
وخيانة ع الطيب بتدوس

وهم الكلمتين اللى بيطمنونا
وبنتحدى بيهم كل شىء
لو حبة هم زارونا
ندعى من القلب
ونقول يارب
احمينا من شر الطريق

(طريق الحياة)
كلمات بسيطة حاولت أعبر بيها عن جمال كلماتك
مش هقول يارب تعجبك لأنها حزينة ومتمناش ليكى أى حزن
لكن بتمنى إنها تشجعك على حجز غرفة فى منزلنا الصغير
والذى عنوانه
منتدى من أجلك

شكرا لاختيارك

تحياتى

حكاية روح..

حكاية روح..

رد: حكاية روح..

رد: حكاية روح..

رد: حكاية روح..